მე-18 საუკუნის 20-იანი წლების ბოლოს, საგურამოს მამულიდან ლამისყანაში გახიზნული პოეტი ლეკებმა მაინც ჩაიგდეს ტყვედ, თუმცა მან დაღესტნიდან გაქცევა მოახერხა და მოსკოვში აღმოჩნდა. ჰუსართა პოლკში ჩარიცხულ პოეტს არ ეწერა სამშობლოში დაბრუნება - მრავალი ბრძოლის მონაწილე ოფიცერი უკრაინაში მამულით დააჯილდოვეს, რამაც საბოლოოდ მიაჯაჭვა ის უცხო ქვეყანას. იმედგადაწურულმა ერთ წიგნად შეკრა მთელი შემოქმედება, წიგნს „დავითიანი“ უწოდა და 1787 წელს საქართველოში გამოაგზავნა, როგორც მემკვიდრე. „დავითიანმა“ ღირსეული გურამიშვილობა გასწია და ქართული კულტურის ბრწყინვალე ნაწილად იქცა.