"იატაკქვეშეთის ჩანაწერების" შესახებ პირველად სამების საკათედრო ტაძრის მოძღვარ, დეკანოზ თეიმურაზ თათარაშვილისგან შევიტყვე. ამ წიგნის ქართულად გამოცემის იდეაც სწორედ მას ეკუთვნის. მე კი მოთხრობის წაკითხვისთანავე სურვილი გამიჩნდა, რომ ეს ნაწარმოები ქართულად პირველად ჩვენ გამოგვეცა, თან, აუცილებლად გივი კიკილაშვილის მიერ თარგმნილი. არადა, მაშინ გამომცემლობა "ოჩოპინტრე" მხოლოდ ჩემი და ჩემი მეგობრის მკრთალი იდეის დონეზე არსებობდა. მე ეს ორივე სურვილი ავისრულე, ახლა ჯერი მკითხველზე და მათ შეფასებაზეა. რაც შემიძლია დავამატო ისაა, რომ მთარგმნელსა და მთელ საგამომცემლო ჯგუფს ცდა არ…