მეოცე საუკუნის დიდი მოაზროვნე, ავსტრიელი ფილოსოფოსი და ლოგიკოსი, ანალიტიკური ფილოსოფიის ცნობიერების და ენის ფილოსოფიის უმნიშვნელოვანესი წარმომადგენელი. ავტორია მოკლე პარაგრაფებისგან შემდგარი, კრიპტული წიგნისა ლოგიკურ-ფილოსოფიური ტრაქტატი (Tractatus Logico-Philosophicus, 1921), რომელშიც ვიტგენშტაინი ფრეგეს და რასელის მოსაზრებების ზეგავლენით აყალიბებს სამყაროს სურათული აღქმის თეორიას.