ეს თხზულება ავტორის ფილოსოფიური ევოლუციის ბოლო პერიოდში დაიწერა, როცა ნიცშეს მრწამსი განთავისუფლდა გარეშე გავლენებისაგან. „ზარატუსტრა“ ჩაფიქრებული იყო როგორც ფართო ტილო, რომელშიც ორიგინალური ფორმით მოცემულია გერმანელი მოაზროვნის ფილოსოფიური თვალსაზრისის ყველა ძირითადი მომენტი. თხზულებაში ვხვდებით ყველა იმ ძირითად პრობლემას, რომლებზეც ფილოსოფოსი ადრეც ბევრს ფიქრობდა. ახლა ისინი წარმოსდგებიან ახალი გააზრების საფუძველზე, ახალი სახეებისა და ახალი იდეების კონტექსტში. შეიძლება ითქვას, რომ „ზარატუსტრაში“ თავისებური სახით განსხეულებულია: ნიცშეს აზროვნებისა და განცდების მთელი სიმდიდრე, ნიცშეს ძნელი, წინააღმდეგობებით აღსავსე ცხოვრების გზა. „ზარატუსტრას“ ავტორის…