დიდი ფრანგი მწერლის ვიქტორ ჰიუგოს ერთ-ერთი ყველაზე მნიშვნელოვანი ნაწარმოებია რომანი "ოთხმოცდაცამეტი წელი", რომელშიც შესანიშნავად არის ასახული XVIII საუკუნის დამლევის რევოლუციის მოვლენები. ჰიუგომ მოგვცა ეპოქის ვრცელი სურათი, დიდი მხატვრული ძალით ასახა მოვლენები, როცა დაიწყო საფრანგეთისა და სხვა ქვეყნების ისტორიის ახალი თავი. რომანი "ოთხმოცდაცამეტი წელი" ფრანგულად პირველად 1874 წელს დაიბეჭდა, ქართულ ენაზე კი მეოცე საუკუნეში ითარგმნა.