რომანს „ჟამი და უფალი საფუძვლად დაედო სამეგრელოს ერთ-ერთ რაიონში მოძალადეების მიერ გამოძალვის მიზნით, წინა საუკუნის 80-იან წლებში ბავშვის მოტაცების გახმაურებული ამბავი. რომანის მთავარი ხაზი ობოლი გოგონას, ირინეს, მკვლელობის ძიებაა, რაც არასწორად წარიმართა. სიმართლის დადგენის რთულ საქმეს ეჭიდება დაღუპულის სიყრმის მეგობარი ჟურნალისტი ნათია ლორია, რომელიც გაუკუღმართებული წყობილების მიერ მორალურად გადაგვარებული პარტიული თუ სამართალდამცავი ორგანოების მუშაკებს თავისებურ სამსჯავროს უწყობს.