თავისუფლად შეგვიძლია ვთქვათ, რომ „როზმარის შვილი" ერთ-ერთი ნაწარმოებია იმ ათეულიდან, რომელმაც დიდი გავლენა მოახდინა საშინელებათა ლიტერატურული ჟანრის განვითარებაზე, იგი არაფრით ჩამოუვარდება „ფრანკენშტაინს“, რომელმაც დასაბამი ჩაუყარა ზემოხსენებულ ჟანრს; „დრაკულას, რომელმაც ყველაზე ცნობილი პერსონაჟი შექმნა, რაც კი არსებულა და „ქერის“, რომელმაც ხელი შეუწყო, სწრაფად განვითარებულიყო სტივენ კინგის – ლიტერატურის ისტორიაში ყველაზე პოპულარული საშინელებათა ჟანრის მწერლის კარიერა. როგორც აირა ლევინი ხშირად აღნიშნავდა, უარყოფითი შედეგი, რაც ამ რომანის გამოქვეყნებას და მის მიხედვით შესანიშნავი ფილმის გადაღებას მოჰყვა, ეგზორცისტების, წინასწარმეტყველების, „სატანის…