"პატარა როდია მდინარე დნესტრი, იქ ბევრი ყურე, ლელიანი, მეჩეჩი და ღრმა ადგილია; ლაპლაპებს, ბზინავს მდინარის სარკისებრი ზედაპირი, ხმიანობენ გედები. ამაყი კოკონაც სწრაფად მიჰქრის; მრავლად იცის ლელიანებში და ნაპირებზე ღალღა, წითელჩიჩახვიანი ტურუხტანი და სხვა მრავალი ფრინველი.სწრაფად მიცურავდნენ კაზაკები თავიანთი ვიწრო ორსაჭიანი ნავებით, მწყობრად უსვავდნენ ნიჩბებს, გვერდს უვლიდნენ მეჩეჩებს, აფრთხობდნენ, აფორიაქემდნენ,ფრინველებს და თავიანთ ატამანზე ლაპარაკობდნენ."