მე-19 საუკუნის დიდი ფრანგი მწერლის ალფონს დოდეს საყოველთაოდ აღიარებული კრებული 24 ნოველისაგან, ე.წ. წერილისაგან შედგება. წიგნი პროვანსში, კორსიკასა და ალჟირში ავტორის მოგზაურობის შთაბეჭდილებების საფუძველზეა დაწერილი. კრებულში შემავალი ნოველების ჟანრული ფორმა და სტილი საკმაოდ მრავალფეროვანია. აქ შეხვდებით მოგონებას, დრამას, კომედიას, თქმულებას, ფილოსოფიურ ზღაპარს, არაკს და სხვა. ავტორი დიდი ოსტატობით გადადის ერთიდან მეორეზე და კრებული ერთ მთლიან, შეკრულ ნაწარმოებად აღიქმება.