თუ საკუთარი ბიზნესი გაქვს, ვარსკვლავები გირჩევენ, ამ კვირაში მეტი დრო დაუთმო წარმოების განახლებას და სამუშაო პირობების გაუმჯობესებას. თუ ტექნიკის, დანადგარების ან სხვა აღჭურვილობის შეძენას გეგმავ, ჯერ კარგად განსაზღვრე შენი ბიუჯეტი და საჭიროებები. ყურადღება მიაქციე კონკრეტულ საკითხებს და მიმდინარე პრობლემების მოგვარებას.

ოფისის თანამშრომლებს საკმაოდ დატვირთული კვირა ექნებათ, სამუშაო კი მათ შემოსავლებზეც დადებითად აისახება. ძალიან ნაყოფიერი პერიოდი ელის მათ, ვინც ინფორმაციის ანალიზითაა დაკავებული. ეს კვირა იდეალურია ცოდნისა და უნარების გასაღრმავებლად. შენი მონდომების წყალობით, შრომის პროდუქტიულობასაც გაზრდი და შემოსავალსაც.

შენი ყურადღება და გამჭრიახობა დაგეხმარება, სწრაფად იპოვო ტექნიკური ხარვეზები და უდანაკარგოდ გამოასწორო ისინი. კვირის ბოლოს კარგი იქნება, თუ საბუთებს მოწესრიგებ და უახლოესი დღეების გეგმას შეადგენ.

ოქტომბერში შენს პირად და ბიზნეს ფინანსებს უნდა გადახედო. კარგად გაანალიზე შემოსავლები და ხარჯები, რომ ზუსტად იცოდე, რა მდგომარეობაში ხარ. ეს დაგეხმარება ზედმეტი ხარჯების შემცირებაში. დარჩენილი თანხით კი ვალები და კრედიტები დაფარე. თუ ბიზნესი გაქვს, პარტნიორებთან მოგიწევს საუბარი. განსახილველი გექნებათ როგორც ძველი, ისე მიმდინარე და სამომავლო პროექტების დაფინანსების საკითხები.

თვის მეორე ნახევარი საქმიანი კუთხით ცოტა რთული იქნება. გირჩევ, ამ დროს არაფერი მნიშვნელოვანი არ დაგეგმო. მოერიდე კონტრაქტების გაფორმებას, დიდ გადარიცხვებს და ახალ მოლაპარაკებებს.