ცნობილი ადამიანები

ტყუპების ნიშნის ქვეშ უამრავი ცნობილი ადამიანი დაბადდა. მათ შორის არიან: ალექსანდრე კალიოსტრო, როდრიგეს ველასკესი, არტურ კონან დოილი, თომას იუნგი, ერნესტო ჩე გევარა და კარლ ფაბერჟე.

ასევე ეს ნიშანი აქვთ: მერლინ მონროს, ჯონ კენედის, რობერტ შუმანს, რიჰარდ შტრაუსს, ჯეიმს ბელუშს, პრინცს და პოლ მაკარტნის.

ცნობილ ტყუპებს მიეკუთვნებიან აგრეთვე: ნაომი კემპბელი, კაილი მინოგი, ნიკოლ კიდმანი და შტეფი გრაფი.

ქორწინება და თავსებადობა

ტყუპებს ხშირად არარეალური სურვილები აქვთ და მათი პირველი სიყვარული ხშირად უიღბლოა. ამიტომ ახალგაზრდა ტყუპებს ბევრი თაყვანისმცემელი ჰყავთ და ხშირად ცნობილ ადამიანებზე, განსაკუთრებით მსახიობებზე არიან შეყვარებულები; მსახიობების მიმართ მათ სულ სხვა დამოკიდებულება აქვთ. როცა სასიყვარულო საქმეებში არ უმართლებთ, ტყუპები ამას სხვებზე მძიმედ და გრძელვადიანად განიცდიან. ტყუპების მოსატყვევებლად ჭკვიანი პარტნიორია საჭირო, რომელიც კარგი მეგობარი და საინტერესო მოსაუბრეც იქნება. ასეთ ადამიანს უნდა შეეძლოს შეხედულებების ისეთივე სისწრაფით შეცვლა, როგორც თავად ტყუპებს. ტყუპებს ქორწინება მაინცდამაინც არ აქვთ გეგმაში, არ უყვართ სერიოზული ნაბიჯები და პანიკურად ეშინიათ რუტინული და მოსაწყენი ოჯახური ცხოვრების. მიუხედავად ამისა, პარტნიორის ერთგულება დიდხანს შეუძლიათ, თუმცა პატარა შანსიც კი საკმარისია, რომ ყველაფერი შეცვალონ. ზოგიერთი ტყუპი სულ სხვა უკიდურესობაში ვარდება და რამდენიმე დღის გაცნობილ ადამიანთან ცდილობს დაქორწინებას, რომელიც სინამდვილეში მხოლოდ მორიგი გატაცება გამოდის. ისინიც ისეთივე სისწრაფით ითრევენ სხვებს გრძნობებში და ძველ პარტნიორს ახლით ანაცვლებენ.

მამაკაცი-ტყუპები ძალიან გამომგონებლები არიან, როცა მოსწონთ ქალი და მისი გულის მოგება უნდათ, მაგრამ მალევე კარგავენ მათ მიმართ ინტერესს. ისინი მუდმივად ცდიან ქალის მოთმინებას და დაუსრულებლად მიდიან და ბრუნდებიან. ქალი-ტყუპები ახალგაზრდობაში მოულოდნელობებით სავსენი არიან, ხოლო ზრდასრულ ასაკში უბრალოდ შესანიშნავები. მათი მუდმივი ცვალებადობა ყველას ხიბლავს, მაგრამ ოჯახურ ცხოვრებასთან დაკავშირებულ შეზღუდვებს ეს ქალები საერთოდ არ იღებენ. ამ ნიშნის წარმომადგენლების რომანი შეიძლება ბედნიერიც იყოს და უბედურიც. ერთი რამის თქმა დანამდვილებით შეიძლება – მათ შორის მხოლოდ სიყვარული არ იქნება. ვერძთან ურთიერთობა მალე დასრულდება, თუ საერთო ინტერესები არ ექნებათ. მერწყულთან კარგი კავშირი იქნება, თუმცა აქ საუბარია ვნებიან რომანზე და არა ქორწინებაზე. თხის რქასთანაც კარგი წყვილია, ოღონდ თხის რქას მოუწევს ტყუპების ხასიათის ატანა. ზოგადად, მიწის ნიშნებიდან ტყუპებისთვის უჯობს კურო აირჩიოს. ერთმანეთში ეჭვის შეტანა ტყუპებსა და თევზებს დააშორებს, ხოლო მუდმივი ყოყმანი ხელს შეუშლის სასწორთან ბედნიერებაში.